Bag-ong building sa CCPO mapadayon sa pagtukod
CEBU, Philippines — Magpadayon ang pagtukod sa bag-ong building sa Cebu City Police Office(CCPO) kini bisan paman og bag-o na unya ang molingkod nga mayor sa Cebu City.
Suma pa ni outgoing mayor Raymond Alvin Garcia nga magpadayon kini tungod kay naa namay notice to proceed, naa nay identified budget alang niini ug naa na say nidaug nga contractor.
Ang mamahimomg rason lang nga dili kini mapadayon kun ang bag-ong administrasyon mokanselar sa kontrata apan naa nay liabilities involve niini.
"Once you bid the project, you award it and then there is notice to proceed it means naa nay budget, sakto na ang bidding process, naa nay works and estimates, etcetera", sigon ni Mayor Garcia.
Hinungdan nga dili angayang mabalaka ang PNP.
Monitoron sab sa outgoing mayor ang kalambuan sa maong proyekto tungod kay nasugdan kini sa iyahang administrasyon.
Kahinumduman nga niadtong Pebrero 26, 2025 gipahigayon ang groundbreaking sa pagtukod sa bag-ong building sa CCPO.
Dul-an sa P50 million ang gitagana nga pundo sa maong proyekto. (BANAT NEWS)
- Latest
