Acoustic night sa Family Park sa Talisay gibalik

CEBU, Philippines —  Gibalik na ang acoustic night diha sa Skate and Family Park sa Dakbayan sa Talisay.

Kini maoy gipahibawo ni Talisay City mayor Gerald Anthony “Samsam” Gullas.

Si Gullas mipahigayon sa mao nga kalihukan alang sa Talisaynon ug mga bisita sa siyudad.

Ang maong kalihukan mahitabo matag Sabado ug Domingo sa alas 8 sa gabii hangtud sa alas 10 sa gabii.

Matud pa ni Gullas nga mahimo kang maka estambay ubos sa mga kahoy ug maminaw og sonata samtang uban ang pamilya.

Gawas sa sonata nga mapamati aduna sab mga baligya nga pagkaon sa dapit.

Nasayran nga nahunong og pipila ka buwan ang kalihukan gumikan sa kadaghan na nga kalingawan sa summer break sa mga tinun-an.