CEBU, Philippines — Ang New York Knicks impresibong mibangon human mabiyai og 20 puntos sa ikaduhang kuwarter aron piogon ang Indiana Pacers, 106-100, sa Game 3 sa best-of-seven NBA Eastern Conference finals kagahapong adlawa didto sa Gainbridge Fieldhouse sa Indianapolis, Indiana. Tungod niini, giputol sa Knicks ang bentaha sa Pacers ngadto sa usa na lang ka duwa, 2-1.
Labaw sa tanan, krusyal kaayo ang maong daog sa Knicks gumikan kay sa kasaysayan sa NBA, wala pay team nga nakadaog human malubong og 3-0 sa usa ka serye. Salamat ni Karl-Anthony Towns nga mibomba og 20 sa iyang 24 puntos sa katapusang kuwarter, apil niini ang layo kaayo niyang 3-pointer nga nakapa-abante sa Knicks, 94-90, sa hingpit. Si Jalen Brunson nakamaneho pagtali og 23 puntos alang sa Knicks bisan og na-foul trouble. Si Tyrese Haliburton maoy nangu sa Pacers uban ang 20 puntos ug unom ka assists samtang si Myles Turner midugang og 19 puntos sa pilderong kawsa.
Taliwala sa ilang kapidihan, ang Pacers duna pay mas angay kabalak-an gumikan kay naangol man ang sinaligan nilang forward nga si Aaron Nesmith nga nagtakiang samtang migawas sa korte sa tunga-tungang bahin sa ikatulong kuwarter.