Kira gipangandoy ni Josh

CEBU, Philippines — Gipangandoy sa kanhi housemate sa “Pinoy Big Brother: Celebrity Collab Edition" nga si Josh Ford nga mahimong kabahin sa usa ka  romantic comedy movie.

 Gusto sa aktor  nga mahimo niya nga leading  ang kauban niya sa PBB nga si  Kira Balinger.

Dili malilong ang kasoud nila ni Josh ug Kira sa dihang naa pa sila sa ulod sa PBB house.

Justin Mclaire, mipaila sa iyang Mini Album

Gi-release  na sa bag-ong singer-songwriter nga si Justin Mclaire ang iyang self-titled debut mini album nga ubos sa record label  sa ABS-CBN nga StarPop.

Gidalit niini  ang  nagkalain-laing tema sa gugma sa lima ka track sa maong  mini album nga naglangkob sa mga kanta nga “Bining Pantasya,” “Love Me Back,” “Abutin,” “Relo,” ug “Lagusan.” Ang maong mga awit kay nagikan sa orihinal nga komposisyon ni Justin ,samtang giprodyus kini  ni Roque “Rox” Santos, ang label head sa StarPop.

Ang key track nga “Abutin” naghisgot sa tinguha nga maghulat hangtod masuklian ang gugma nga gibati alang sa usa ka espesyal nga tawo.

Niadtong Enero, gisugdan ni Justin ang iyang career  isip usa ka recording artist pinaagi sa pag-release  sa mga awit nga “Bining Pantasya” ug “Love Me Back” .

Isip usa ka songwriter, nagsilbi niya nga  mga inspirasyon ang pipila ka local ug international artists nga sama nila Flow G, Adie, ug Ez Mil. Misulod usab siya sa kalibotan sa teatro.

Ang   mga unod sa maong album ni Justin  kay madungog sa nagkalain-laing streaming platforms.

Sunshine sa North America

Maabot sa North America ang pagpasalida sa  pelikula ni Maris Racal nga "Sunshine ".Si Direk Antoinette Jadaone ang nibalita sa maong kalamboan. Kahinumdoman nga nakadaog  ang Sunshine isip Crystal Bear for Best Film sa  75th Berlin International Film Festival niadtong Pebrero.