Awit alang sa mga nawad-an og mga mahal sa kinabuhi , gilusad ni Jarea

CEBU, Philippines — Sa una niya nga single, gipaambit sa bag-ong Kapamilya singer nga si Jarea ang makapadasig nga istorya bahin sa kamingaw .

Gisulat niya ang kanta isip usa ka tribute  sa iyang nipanaw nga inahan kaniadtong 2021.

Pinaagi sa musika, gusto niyang pahinumdoman ang mga tawo nga nakasinati og kasubo nga wala sila nag-inusara.

“Gusto ko lang kumanta para sa grieving hearts katulad ko kasi I know how heavy it is to carry silent pain. Minsan isang kanta lang ang kailangan natin para maramdaman mong may nakakaintindi sa atin,”  Instagram post sa singer.

Giprodyus sa  Moophs  ang maong  folk-soul nga kanta ug ubos kini sa Tarsier Records.

Gikan sa iyang classical piano foundation, gipakita ni Jarea ang iyang talento sa songwriting sa dihang iyang gisulat ang Himig Handog 2020 entry nga “Pahina.” Naapil usab siya sa “Idol Philippines” season 2 diin nalakip siya sa Top 20 finalists.

Madungog ang "Kailan Pa?"  sa nagkalain-laing  streaming platforms.

Ashley masakitan tawagon og"starlet"

Giangkon ni Ashley Ortega nga masakitan gyud siya sa pipila ka negatibong istorya nga ibato kaniya hangtod nga naanad nalang siya niini .

Hinoun maghatag kini og motibasyon kaniya  aron mas tarungon niya ang iyang trabaho.

Usa sa mga pulong nga makapasakit kaniya mao ang pagtawag sa ubang tawo kaniya nga  matud pa usa siya ka "starlet".

Gugma nga lisod buhian

Gipabuhagay  sa  singer-songwriter nga si Angela Ken ang gugma nga lisod buhian sa bag-o niya nga awit nga  “Pwede Bang Mamaya?”

Gikan kini  sa orihinal nga komposisyon ni Angela kun diin gihisgotan niini ang paghangyo sa tawong gihigugma nga mag-uban una sila og pipila ka oras bisan paman nga padulong na motak-op ang ilang relasyon.

“Gumawa ako ng kanta para sa mga taong ayaw nating magpaalam kahit ramdam na nating umaayaw sila. It’s a song that validates your heart’s plea,”  niya pa .

Mao kini ang  latest single ni Angela  nga ubos sa Tarsier Records human sa kalamposan sa iyang  mellow-pop song nga “Kulimlim.” 

JoshLia kusog gihapon

Nikisaw og balik ang karaang  reels nila ni  Joshua Garcia ug Julia Barretto. Nahaom kini sa trending karon nga “Dikitan Challenge”.  Gikilig gihapon  ang JoshLia fans sa nahisgotan nga reels. Katapusan nga nag-uban ang duha sa pelikulang  “Un-Happy for You” sa niaging tuig.

Torete

Nakatatak na gyud sa kadaghanan ang awit  sa Moonstar88 nga "Torete".   Nasayran nga 25 anyos na ang maong awit ug wala gihapon mahupas ang popularidad niini . Gisaulog sa banda ang anibersaryo sa maong awit .Ang Moonstar88 kay gilangkoban nila ni   Maysh Baay (vocals ug guitar ), Bon Sundiang (drums), ug Herbert Hernandez (lead guitar).

The Next Big Band

Malakip ang  Kapamilya actor-singer nga si Gello Marquez sa   "The Next Big Band" ,ang upcoming reality music search nga ubos sa  ABS-CBN Studios ug ABS-CBN Music

Tumong sa maong show  ang pagdiskubre og bag -ong breakout musical group.  

Gitanyag nga endorsements gibalibaran

Barugan gyud sa magtiayong Maja Salvador ug Rambo Nuñez ang ilang desisyon nga dili lang una nila ipublikar ang nawong sa ilang anak nga si Maria.

 Gusto nila nga himoong  pribado ang kasikas sa ilang anak .

Gibalibaran sa magtiayon ang gitanyag nga baby product endorsements  alang sa ilang anak.

Janice todo gakos kang Song Joong-ki

Gisuyaan og maayo  sa mga kababaenhan ang aktres nga si  Janice de Belen  gumikan kay nakagakos kini og taman  sa iyang  ultimate crush nga Korean star nga si Song Joong-ki .

Nakadawat pa gyud siya og buwak gikan sa maong aktor .

Nahitabo kini atol sa fans day ni Song Joong-ki didto sa kaulohan sa niaging adlaw .