Presentasyon ng Articles of Impeachment, inilipat sa Hunyo 11

MANILA, Philippines — Inilipat ni Senate President Francis “Chiz” G. Escudero ang presentasyon ng Articles of Impeachment laban kay Vice President Sara Duterte sa Hunyo 11, 2025 upang unahin ang mga priority legislative measures bago mag-adjourn ang 19th Congress.

Sinabi ni Escudero na ang Kongreso ay mag a-adjourn ‘sine die’ sa Hunyo 14, 2025 at anim na araw na lamang ng sesyon ang matitira sa dalawang linggo bago matapos ang 19th Congress kaya dapat matalakay ang ilang priority measures na nakabinbin sa lehislatura.

Sa liham na ipinadala kay House Speaker Ferdinand Martin Romualdez, na ang kopya nito ay ipinadala rin sa tanggapan ni Bise Presidente Duterte, sinabi ni Escudero na mayroong hindi bababa sa 12 mahahalagang panukala na ipinangako ng Kongreso na ipasa sa natitirang bahagi ng 19th Congress.

Ang mga sumusunod na panukala ang tinalakay ng mga pinuno ng Kongreso kasama si Pangulong Ferdinand Marcos Jr. sa Legislative-Executive Development Advisory Council.

Sinabi ni Escudero na sa anim na araw ng ­sesyon bago ang sine die adjournment, kailangang unahin ng Senado at Kamara ang pagpasa ng mga nabanggit na panukala.

Binanggit din ni Escudero ang pangangailangang kumilos kaugnay sa mahigit 200 presidential appointments, kabilang ang tatlong cabinet ­secretaries, apat na opisyal ng constitutional commissions, 39 foreign service officers, at 277 officers ng Armed Forces of the Philippines.

Orihinal na itinakda para sa Hunyo 2, 2025, ang pagtatanghal ng Articles of Impeachment, ang unang hakbang upang simulan ang mga paglilitis sa impeachment sa Senado.