Ginebra kumbati pa sa Top 4

CEBU, Philippines — Ang Barangay Ginebra Kings milampaso sa TNT Tropang 5G, 97-78, aron pahayagan ang ilang tsansa nga makasud sa Top 4 sa PBA Philippine Cup niadtong Domingo sa gabii didto sa Ninoy Aquino Stadium sa kaulohan.

Sila si Japeth Aguilar, Stephen Holt, Jamie Malonzo, Troy Rosario ug RJ Abarrientos ang mibirada og maayo sa dihang gibaraw sa Ginebra ang debut ni Jordan Heading uban sa TNT.

Si Aguilar mipupo og double-double nga 20 puntos ug 14 ka rebounds alang sa Gin Kings, nga kontrolado kaayo ang duwa sukad sila miposte og 27 puntos nga labaw, 54-27, sa halftime.

Si Abarrientos mi-iskor og 23 puntos, samtang sila si Holt, Malonzo ug Rosario nagkumbinar og 35 puntos alang sa Ginebra, nga nakigsawo karon sa ikatulong puwesto uban sa Magnolia Hotshots uban ang parehong 7-3 rekords.

Gipatung-an sila si NLEX (8-2) ug San Miguel Beer (7-2).

Samtang ang Tropang 5G natagak sa ikalimang dapit uban ang Rain or Shine Elasto Painters ug Converge FiberXers bitbit ang managsamang 6-4 nga baraha.