Gin Kings,Beermen magbangga sa semis
CEBU, Philippines — Ang San Miguel Beer ug Barangay Ginebra mag-abot sa PBA Philippine Cup semifinals sunod semana.
Kini human gitagak sa inilog nga Beermen ug Gin Kings ang tagsa-tagsa nila ka mga kontra sa quarterfinals niadtong Biyernes sa gabii didto sa Ninoy Aquino Stadium sa kaulohan.
Ang Sugbuanong higante nga si June Mar Fajardo miharos og 23 puntos ug 15 ka rebounds aron pangulohan ang Beermen, nga nakakuha sab og maanindot nga salida gikan nilang Don Trollano, Juami Tiongson ug Rodney Brondial.
Si Tiongson mitali og 19 puntos, si Trollano mikadlit sab og 19 puntos unom ka rebounds samtang si Brondial miposte og double-double nga 13 puntos ug 12 ka rebounds.
Nalimitahan si CJ Perez ngadto sa 14 puntos apan mipasa og walo ka assists samtang si Mo Tautuaa mihimo sab og kasikas bitbit ang 10 puntos ug 11 ka rebounds.
Sa laing bahin, si Japeth Aguilar mikolekta og 19 puntos ug 13 ka rebounds sa dihang gipabakasyon sa Gin Kings ang Converge FiberXers, 88-80.
Dako sab og naambag si RJ Abarrientos nga mikadlit og 21 puntos ingon man sila si Jamie Malonzo, Stephen Holt ug Troy Rosario nga nagkuminar og 37 puntos alang sa Gin Kings.
- Latest