Producer at pulitiko na si Albee Benitez at misis, 21 years na raw hiwalay

Awwss gulat na gulat pala ang ilang malalapit kay Mayor. Albee Benitez na naghain ng reklamo ang misis niyang si Dominique “Nikki” Benitez na may kaugnayan sa Republic Act 9262, o Violence Against Women and their Children (VAWC).

Kumalat nga kahapon sa social media ang sworn affidavit ng dating misis ng pulitiko na diumano ay biktima siya ng psychological abuse sa loob ng 21 years.

Sa nasabing petition ay sinabi rin daw ni Cong. Albee na may dalawa rin siyang anak sa ibang babae.

“It was only when I received the Petition for Declaration of Nullity of Marriage filed by Respondent and after reading the admission of Respondent of having fathered two (2) illegitimate children.

“I felt utterly betrayed by the Respondent and was devastated beyond compare after finally discovering and confirming the truth in Respondent’s lies.”

Ayon sa dokumento, sa Makati City Regional Trial Court, isinampa ang reklamo.

Pero ayon nga sa sources, antagal na nilang hindi nagsasama bilang mag-asawa.

In fact, almost 21 years na diumano.

Kumpisal pa ng sources, nagkaroon na diumano ng dissolution of assets nung 2003 pa ang dating mag-asawa.

Dagdag pa ng sources, ‘yung mga bahay raw nito sa Dasmarinas Village at Forbes Park ay iniwan na diumano ng pulitiko sa dating misis at kasalukuyan na lang itong nagre-renta.

Pagpupunto pa ng source, hindi diumano kawawa ang dating misis ng pulitiko dahil usap-usapan pa na billions na diumano ang naibigay sa dating misis.

Iba’t iba ang opinion lalo na nga at marami palang nakakaalam na matagal nang hiwalay sina Cong. Albee at misis niya na humigit kumulang dalawang dekada na.

Kung magrereklamo raw sana ito, noon pa dahil nga dahil may dalawa na diumanong anak ang pulitiko ayon sa binanggit nito sa Petitiion of Declaration of Nullity of Marriage.

At common knowledge raw ‘yun sa industriya.

Ba’t nga kaya ngayon lang may ganitong reklamo ang misis ng dating pulitiko?

Awss, may punto naman ang komento ng iba.

Idinadawit sa nasabing kontrobersiya si Ivana Alawi na diumano’y walang planong sumagot.

Habang sinusulat namin ito ay naglabas ng opisyal na pahayag ang legal counsel ni Bacolod City Mayor Alfredo Abelardo “Albee” Benitez kaugnay sa VAWC complaint na isinampa nga ng estranged wife nito.

“Mayor Benitez remains fully cooperative with all legal processes and is confident that the evidence-financial records, property documents, and testimonies-will disprove these false and vindictive claims.

“We respectfully ask the public and the media to allow the legal system to take its course and to refrain from the unethical practice of sensationalizing this case,”  bahagi ng pahayag nito.