25 ka armas nasakmit sa CCPO sa tibuok buwan sa Mayo
CEBU, Philippines — Sa tibuok buwan sa Mayo 2025 ang Cebu City Police Office (CCPO) nakasakmit og 25 ka armas kini subay sa mas gihingusgan nila nga operasyon batok loose firearms.
Nagkanayon si Police Lieutenant Colonel Maria Theresa Macatangay, deputy city director for operations ug tigpamaba sa CCPO nga sa 25 ka armas nga nasakmit pito niini pinasikad sa search warrant, usa sa checkpoint ug uban nasakmit sa police response.
"Usually kani nga mga na-implement sa search warrant kay in relation ni siya sa pag-implementar sad sa kanang illegal drugs namo nga mga search warrants maoy subject of the search warrant, in the course of the implementation of search warrant naay nakit-an nga armas", butyag ni Macatangay.
Si Macatangay nagkanayon nga anaa pod sila'y mga search warrant nga ang subject mao gyud ang loose firearms.
Kini tungod kay naay mga impormasyon nga nakaabot sa kapolisan nga ang maong personality naghupot og ilegal nga armas ug nalambigit usab sa ilegal nga kalihokan.
Gikataho nga kasagaran sa mga armas nga nasakmit gikan sa Dakbayan sa Danao kini base usab sa gipangtug-an sa mga nadakpan.
"The item is made there then it ended in their hands so naay nagbaligya sa iyaha and that’s why recently nabasahan nato sa mga balita nga pusposan ang atoang police operations gina-conduct against those nagabuhat ani nga paltik nga armas which eventually end up to the hands of the criminals", dugang ni Macatangay. (BANAT NEWS)
- Latest
