Ayaw na lang og sulti

Adunay pahimangno si San Juan dela Cruz ug kini naghisgot kalabot sa pagpugong sa kaugalingon aron mosulti og bisan unsa nga dili makatabang hinunoa makadaut.

Busa atong sundon kining mosunod:

1. Sa mga higayon nga makadungog ka og dili maayo ug makapasakit, ayaw pagbalos.

Hinunoa, sunda ang atong Ginoong Jesus nga human mahiagom sa tanang pagpakaulaw ang nagpakahilom lamang atubangan nilang Herodes ug uban pang nilutos kaniya.

2. Sa mga higayon nga dunay panlibak nga mahitabo sa atong isigkaingon. Ayaw og apil sa ilang pagdaut sa uban pinaagi sa mga makamatay nga mga libak.

Ning paagiha dili ka mabungat og mga pulong sa panghimaraot ngadto sa uban.

3.   Sa mga higayon nga dili hatagan og igong gibug-aton ang imong mga panahom.

Ayaw ipamugos ang imong baruganan ug labaw sa tanan ayaw ipakita nga apektado ka sa ilang gihimong pagbalikas kanimo ug pagpakaulaw kanimo.

Ang imong paghilom usa naman ka dakong pasidaan kanila nga dili ka motimbaya sa mga tawong mugbo lamang og panghunahuna.

4. Sa mga higayon nga ikaw hisaypan, pasinglan sa bisan unang Matanga sa kadautan ug kangil-ad. Hinumdomi ang Dios maoy mohawan sa mga hugaw nga gilabay nganha nimo.

5. Sa mga higayon nga makadungog ka og mga pagdayeg gikan sa imong isigkaingon nganha nimo apan kang kansang tuyo mao lamang ang pagpangita og kahigayonan nga makakuha sila og bisan unsang pabor.

6. Sa higayon sa kakapoy, kalisdanan ug mga pagsulay. Pagpakahilom tungod sa imong dakong gugma sa Dios.