TNT lumakas ang signal sa bonus

MANILA, Philippines — Inilista ng TNT Tropang 5G ang kanilang ikaa­nim na sunod na panalo ma­ta­pos pabagsakin ang si­­bak nang Blackwater, 108-82, sa PBA Season 49 Philip­pine Cup kahapon sa Ninoy Aquino Stadium sa Ma­late, Manila.

Bumira si guard Simon Enciso ng 19 points tampok ang limang three-point shots para sa 6-3 kartada ng Tropang 5G at maka­sos­yo sa fourth spot ang Gi­nebra Gin Kings at Rain or Shine Elasto Painters.

Nagdagdag s Kelly Williams ng 15 markers at may 14, 12, 11 at 10 points sina Cal­vin Oftana, Brandon Ga­nuelas-Rosser, Poy Erram at Kim Aurin, ayon sa pag­kakasunod.

Pinalakas ng PLDT fran­chise ang kanilang pag-asa sa isa sa apat na ‘twice-to-beat’ incentves sa quarterfinals.

Nalasap ng Bossing ang kanilang pang-anim na dikit na kamalasan para sa 1-8 marka.

Matapos makadikit ang Blackwater sa 34-36 sa pag­sisimula ng second period ay kumawala ang TNT sa likod ng mga triples nina Enciso, Oftana at Williams para lumayo sa 54-38.

Tuluyan nang umarangkada ang Tropang 5G sa third quarter.