Paslit lunod sa balde ng tubig

MANILA, Philippines — Isang 2-anyos na batang lalaki ang natagpuang patay  habang nakalublob ang ulo sa balde ng tubig kamakalawa ng gabi sa Quezon City. 

Batay sa imbestigasyon ng Quezon City Police District - Criminal Investigation and Detection Unit (QCPD-CIDU) nadiskubre ang bangkay ng biktima bandang alas-6 ng gabi sa loob ng kanilang bahay sa Litex Market Compound, Barangay Commonwealth, Quezon City.

Bago ito, sinabi ng lola ng biktima na nakita pa niyang naglalaro ang huli bandang ala-5 ng hapon nitong Hunyo 9, Alas-6 ng gabi ng magising siya at hinanap ang apo.

Laking gulat na lamang niya nang makitang nalunod na sa balde ang biktima.

Dinala pa sa Rosario Maclang Hospital ang biktima subalit idineklara ring dead-on-arrival.

Nagsumite naman ng waiver ang magulang ng biktima.