Hiyasmin (291)

KINABUKASAN, ma­agang buma­ngon si Hiyasmin. Gusto niyang mauna sa venue ng ad congress. Nga­yon ang huling pagsasalita ni Mary Underwood at tiyak na ma­rami pa itong ibabahagi sa mga participants. Sa totoo, lang napakarami na niyang nalaman kay Mary ukol sa larangan ng advertising.

Maaring ngayon na rin ang huli nilang pag-uu­sap. Naisip ni Hiyasmin na dapat sa­mantalahin na niya ang pag­ka­ka­taon para ita­­nong kay Mary ang lahat nang gusto niyang malaman. Sabi sa kanya ni Mary ka­hapon, marami pa itong ikukuwento. Si­guro ang iku­ku­wento ay ang tungkol sa nanny nilang Pinay. Mukhang malalim ang na­gawa ng Pinay nanny kaya hindi ito malimutan­. Mukhang bukod sa tinu­ruan siyang ma­tuto ng Ta­galog o Fili­pino ay meron pang mahalagang bagay na nagawa ang Pinay nanny.

Inihanda ni Hiyasmin­ ang sarili sa muling pa­ki­­­­­ki­pagharap kay Mary Un­der­wood. Bago siya lu­ma­bas ng kanyang room, ti­­niyak ni Hiyasmin na na­ka-save sa kanyang cell phone ang photo ng kan­yang papa.

Kung ano ang kaugna­yan ng photo ng kanyang papa, hindi pa rin tiyak ni Hiyasmin kung ano nga iyon. Hindi pa rin siya sigurado sa kanyang kutob.

Bumaba na siya at nagtungo sa venue ng ad congress.

Eksaktong 8:00 a.m. nagsimula ang lecture ni Mary Underwood. Nang matapos ang kanyang pagsasalita, marami ang nagpa­lakpakan dahil sa husay niya at sa rami ng naibahagi sa mga du­malo sa ad congress.

Gaya nang inaasahan­, marami na naman ang nagpa-selfie kay Mary. May nag­pa-autograph at may nag­pa group picture.

Si Hiyasmin naman ay nagmamadaling nag­tungo sa cafeteria na pag­tatagpuan nila ni Mary.

Makalipas lamang ang ilang minuto, duma­ting na si Mary. Nakangiti ito nang lumapit kay Hiyasmin.

“Maaga ako ngayon, Hiyasmin. I’m sure wala ka nang masasabi sa akin, ha-ha-ha!” sabi nito.

“Wala akong masa­sabi kundi napakabuti mo, Mam Mary.” (Itutuloy)