94K katao dumaan sa mga pantalan ng Bicol nitong election period

LEGAZPI CITY, Albay, Philippines — Umabot ng 94,000 katao ang naitala ng Philippine Coast Guard-District Bicol na dumaan sa iba’t-ibang pantalan sa Kabikulan nitong nakalipas na election period.

Ayon kay PCG-District Bicol comman­der Commodore Ivan Roldan, base sa datos ng kanilang opisina si­mula noong Mayo 9 hanggang 13 ay nasa 57,067 katao ang naitalang dumaan sa iba’t-ibang pantalan na palabas ng rehiyon o outbound habang 36,937 naman ang pumasok o inbound.

Dahil sa ipinakalat na 549 bilang ng Coast Guard na nagbantay at nag-inspeksyon sa iba’t-ibang seaports at baybayin ay naging ligtas at tahimik ang paglalayag ng 304 roro vessels, 68 cargo vessel, at 114 mga motorbancas.