Pope Leo XIV nihimo sa iyang inauguration mass sa St. Peter Square

CEBU, Philippines — Gihimo ni Pope Leo XIV, ang inaugural Mass kagahapon, Mayo 18 nga gitambongan sa libuan ka mga tawo sa St. Peter`s Square agig opisyal nga pagsugod sa iyang katungdanan isip Santo Papa. Ang mga lider gikan sa lain-laing nasud uban sa mokabat sa 100,000 ka pilgrims ang mitambong sa kalihukan.

Lakip ang mga religious delegations apil ang Jewish, Muslim, Hindu, Buddhist, Sikh, Zoroastrian ug Jainists., ang mitambong aron mosaksi sa selebrasyon.

Ang solemni nga kalihukan nagpakita sa hugot nga koneksyon sa Apostoles nga si Peter ug sa iyang martyrdom, nga gitamud sa nascent Church of Rome, ug ang ka importante sa “Petrine” usa ka episcopal nga simbolo nga gihatag ngadto sa Santo Papa ingon man ang Pallium ug ang Ring of the Fisherman.

Ang Pallium usa ka liturgical vestment nga ginama sa panit sa karnero nga nagsimbulo sa imahen sa Good Shepherd diin adunay karnero nga nihukdong sa iyang abaga.

Kini nagpahinumdum usab sa pagsanong ni Peter sa sugo sa nabanhaw nga ginoo sa pag-atiman sa iyang mga karnero.

Samtang ang Ring of the Fisherman adunay tukma nga significance sa signet ring, nga nagsimbolo sa seal of faith nga gitugyan ngadto kang Peter aron himoong lig-on ang iyang katawhan.

Gitawag kini og “Ring of the Fisherman” tungod kay si Peter nga mituo sa pulong sa Ginoo miitsa sa pukot ngadto sa dagat ug nakakuha og daghang isda.

Gisaad ni Pope Leo kinsa maoy labing unang amerikano nga Pope nga bantayan ang teachings sa Catholic Church ug midasig nga atubangon ang tanang hagit sa kabag-ohan. — Gikan sa Vatican News /MEL (BANAT NEWS)