Top 5 most wanted nadakpan
CEBU, Philippines — Nadakpan sa kapolisan ang Top 5 most wanted person Regional Level nadakpan sa Sitio Cambuntan, Barangay Bolinawan, Carcar City.
Ang suspek nga si alyas Ricky sa 6-counts sa Statutory Rape ubos sa Article 266-A sa Revised Penal Code as amended sa Republic Act 8353 ug Republic Act 11648.
Ang pagdakop sa Carcar City Police Station sa suspek pinasikad sa warrant of arrest nga gi-issue sa Family Court, 7th Judicial Region, Talisay City ug wala'y piyansa nga girekomendar.
Sa samang adlaw, nadakpan sab sa otoridad ang Top 10 Most Wanted Person Cebu Province sa kalapasan sa Section 11, Article 2 sa Republic Act 9165 (Comprehensive Dangerous Drugs Act of 2002). Ang warrant gi-issue sa Regional Trial Court, Mandaue City.
Sa lahi nga operasyon usab sa Barangay La Esparanza, Dagohoy, Bohol, pinaagi sa hiniusang pwersa sa Dogohoy ug Sogod Municipal Police Station Bohol Police Provincial Office ni-serve sa arrest warrants batok sa duha ka lalake mga nag-atubang og kasong murder.
Ang warrant of arrest gi-issue sa Regional Trial Court Branch 10, Talibon, Bohol ug wala'y piyansa nga girekomendar. Si PRO-7 Regional Director Police Brigadier General Redrico Maranan midayeg sa mga operating teams ug mitataw sa baruganan sa kapulisan batok sa mga krimen.
"PRO7 will not allow the communities of Central Visayas to be playgrounds for criminal syndicates. Every operation we launch is backed by solid intelligence and carried out with precision. There will be no safe haven, no blind spot, and no compromise," sigon ni Police Brigadier General Maranan. (BANAT NEWS)
- Latest
