USC Baby Warriors kampiyon sa Don Bosco Friendship Games

CEBU, Philippines — Ang University of San Carlos (USC) Baby Warriors milugwa nga kampiyon sa 12 Under division sa Don Bosco Invitational Friendship Games didto sa DBTC-Cebu Gym sa Barangay Punta Princesa, dakbayan sa Sugbo ning bag-ohay pa lamang.

Gilampornas sa USC ang DBTC Greywolves, 66-43, sa all-Cebu final aron sakmiton ang titulo sa duha ka adlaw nga torneyo nga gisalmotan sab og mga teams gikan sa Cagayan de Oro ug Ormoc City.

Si Nicolai Anlon Cabañero maoy gipasidunggan nga Most Valuable Player. Giduyogan siya sa Mythical Five sa teammate niyang si Pairaqlus Pareja.

Ubos sa paggiya ni head coach Dominic Cabañero, ang ubang mga miyembro sa USC U12 champion team naglangkob nilang William Igay, Clarence Hernandez, Kristoff Bernabe, Lord Antona, Sean Amores, Daniel Canedo, Aaron Ferraren, Colin Malicay ug Alexys Ocaña.