DPWH-VII anniversary sportsfest mi-arangkada pinaagi sa fun run

CEBU, Philippines — Ang Department of Public Works and Highways Region 7 (Central Visayas) Office mipahigayon og malampuson nga Fun Run, nga maoy misikad nilang kalihukan sa paugnat sa kusog agi'g selebrasyon sa ika-127 nga anibersaryo sa DPWH karong Hunyo 23.

Niadtong Lunes, Hunyo 2, ang mga opisyal ug empleyado gikan sa rehiyonal nga mga buhatan ingon man sa nagkadaiyang district engineering offices nagpundok aron mosalmot sa mahinungdanong aktibidad nga nahimong posible tungod sa hugtanong suporta ni DPWH-7 Regional Director Danilo Villa, Jr. ug Assistant RD Isidro Encarnacion.

Ang Fun Run giroagnisa sa DPWH Runners Club nga gipangulohan ni Atty. Brando Ray Raya inabagan sa Coco Running, International Pharmaceuticals, Inc. (IPI), Hi-Temp Industrial Trading and Allied Services, Copier Source Enterprises, Philippine Red Cross ug CITOM.

Nagmabulokon sab kini tungod sa paningkamot sa mga opisyales sa club nga sila si Kennith Bensig (club captain), Jasmayne Marinay ug Kert Benj Labrada (secretary), Clauden Pacaldo (treasurer), Atty. Shaleem Tiannok (team manager), Remfel Lor (publicity officer) ug Renan Arias (coaching coordinator).

Si Atty. Raya miporma sa DPWH Run Club niadtong Hunyo 2024 uban ang tinguha nga magabaton sila og maayong balanse sa ilang trabaho ug panglawas. Sa kasamtangan, aduna nay 61 ka miyembro ang ilang grupo. Ang Fun Run maoy una sa nagkalain-laing sports events nga gipaasiudgahan sa Rank and File Employees Association (RAFEA) ubos sa liderato ni Engr. Jerry Evangelio.    

Sa mosunod nga mga adlaw padung sa ilang anibersaryo, ang mga empleyado mosalmot sa basketball, men's and women's volleyball, badminton, table tennis, pickle ball, billiards, chess, gun shot, darts, lawn tennis ug mobile legends.