Escudero at Sotto nais na maging Senate president – Tulfo

MANILA, Philippines — Ibinunyag ni Senator-elect Erwin Tulfo na kapwa naghahangad na ­maging Senate President sa papasok na 20th Congress sina Senators ­Francis “Chiz” Escudero at dating Senate President Tito Sotto.

Sinabi ni Tulfo na nagkaroon sila ng masinsinan at mahabang pag-uusap ng kanyang kapatid na si Sen. Raffy Tulfo tungkol sa magiging liderato ng Senado.

Sa kabila nito, wala pa aniya siyang pinapanigan kay Sotto at Escudero na kasalukuyang nakaupo pa bilang Senate President.

Sinabi naman aniya ng senador na kakausapin muna niya ang kanyang kapatid na si Sen. Raffy Tulfo tungkol dito.

Ang Senate President ang pangalawa sa nakalinya ng paghalili sa ­pagka-pangulo pagkatapos ng Bise Presidente at siya rin namumuno sa Senado at may pangkalahatang kontrol sa mga gawain nito.

Maliban pa rito siya rin ang tumatayong taga-pangulo ng Commission on Appointments o CA.

Nauna nang sinabi ni Senador Bong Go na kinausap na nila Escudero at ­Sotto ang “Duterte bloc” para sa kanilang suporta sa pagnanais nilang maging Senate President.